分卷阅读53 (第2/2页)

个结果吾系我嘅预期，既然佢而家都咁样对我，真相系点都吾重要啦，我就让呢个传言响结业礼之后永远封存成為秘密好啦，起码我都重有一丝希望，有一日佢会走离同我讲出我想听到嘅真相．．．．结业礼之后基本上个个都各散东西，试过一两次搵卓晧佢都冇覆我，我都死心啦，之后大家派左去吾同嘅环头就更加冇再联络。慢慢又过左几年，我都差吾多忘记左呢个人，响好遇然嘅情况吓，我收到风，有人话卓晧已经辞左职冇再当差啦．．．．呢个消息好突然，我重好记得果晚佢同我讲佢好开心可以考到做警察，重諗住会继续读番个degree再考督察，退休前起码要做到个总督察三粒花，听讲佢嘅表现一路都好好．．．点解而家佢会．．．一时之间諗吾明，有人话佢中左六合彩、有人话佢去左做生意，重有人话佢去左做卧底添，总之好多谣言，都吾知边个系真，不过最后我都冇再放响个心到，吾系Johnny再提返起呢个人，我都差不多将佢淡忘左．．．

    第113页

    被遗忘的警队档案Johnny：你记吾记得一个叫做卓皓嘅人？

    Ryan： ．．．卓皓？．．．．系吾系我入警校果时果个同班同学呀？呢件事同佢有羊关系呀？Johnny：系，就系佢．．．你重记吾记得果次你比我催眠之后，阿Ray同我提过有一个学警卧底想查佢的，最后比佢的玩到残，而家重变左个大食零，成人搵人的开波．．．你应该用电话录低左，你返去应该有听返，系吾系？

    果次系我上去Johnny度比佢催眠左，之后阿Ray同Johnny嘅对话，我都系之后听返个电话录音先知道．．．Johnny都真系好厉害，连我录左佢的音佢都知．．．

    Ryan：系，我记得，咁呢个人同卓晧有羊关系？

    Johnny：呢个人做完卧底后去左见心理医生好多次，因為做卧底期间比人过量餵食精神科药物，做成脑部永久性损伤，做吾返前线，转左做文职，最后因為表现欠佳而比人炒左冇做警察啦．．．Ryan：吓？咁都得，佢帮警方做卧底搅成咁，最后重比人炒埋？有冇搅错呀？

    Johnny：连你都觉得冇理由啦，如果你系佢阿哥你会点呀？

    Ryan：咁一定要同佢讨回公道啦，点可以比警方利用完之后就过桥抽板架．．．．简真系离晒普．．．Johnny：卓晧就系佢哥哥，佢嘅反应同你一样，重比你更激动，佢做左好多野，又搵律师要告一哥，搅左好耐，但系当时警方吾想卧底单野曝光，所以成件事就襟得好实，重叫左好多高层同卓晧讲吾好再搅咁多野，卓晧当然吾肯罢休，重得罪左好多高层，最后就连个P file都比人写花晒，佢一怒之下就辞左职冇当差．．．

    Ryan：咁之后呢？

    Johnny： 佢冇当差之后居然用左吾知羊方法接近左黄sir，帮佢手做野，可能佢当过差，所以黄sir都好重用佢，不过我諗佢的吾知道卓晧背后嘅身分同动机。

    Ryan：咁你又点知道呀？

    Johnny：我有时会上黄sir屋企到，有几次见到卓晧，所以识到佢，不过我同佢就吾算系好熟稔果隻，不过有一次比我无意中见到卓晧静静鸡潜左入黄sir间书